04 مايو 2009

قيّم نفسك





ساعات الواحد بيقف مع نفسه شوية كدة ويفكر هو عمل إيه، وبيعمل إيه، وهيعمل إيه. وفيه ناس كتير عايشة كدة وخلاص، ومابتفكرش في الحكاية دي.
وفيه ناس بتفكر كتير في كدة. هو فيه فرق بينهم! يعني مهم إن الواحد يقيم حياته من وقت للتاني! الإجابة الأقرب للصواب والمنطق المعتدل هي (نعم). طب ليه؟ والإجابة برضه بسيطة؛ مهم إنك لما تعمل حاجة تراجعها عشان تشوف إذا كان فيها أخطاء، وتشوف إذا كان ممكن تبقى أحسن، وتشوف إذا كان أسلوبك وطريقتك صح، وتشوف إذا كان فيه أساليب وطرق تانية أفضل. صعب قوي إن الواحد يعيش فترة طويلة وبعد كدة لما يراجع حياته -بالصدفة- يلاقي إن كان فيه حاجات كتير قوي غلط وكانت محتاجة تصحيح لكنه للأسف ماصححهاش لأنه ما بصش عليها، وعدّت. ويرجع يندم، ويا ريت الندم بيفيد.

خد ولو حتى خمس دقايق كل يوم، أو حتى دقيقة، وفكر عملت إيه وهتعمل إيه. وقيم نفسك بشكل موضوعي. قيم يومك، أسبوعك، شهرك، سنتك. دي أفضل طريقة ممكن تعيش بيها حياتك.


هناك تعليقان (2):

غير معرف يقول...

من احمد فايز هذا ؟؟

و الله يا اخي المدونة فيها كلام رائع و مليح ...بس في اعتقادي انها تحتاج المزيد من التنسيق

ما شا الله عليه ا/ احمد اسلوبه حلو كتيير

winner يقول...

شكرا على تعليقك

و للاسف المشاغل بتمنع الواحد من انه يدي المدونة حقها في التنسيق و المشاركات

و احمد فايز ده دكتور و كاتب في نفس الوقت .. لكنه تقدر تقول كدة مبتدئ الى حد ما ..


سبحانك اللهم وبحمدك، أشهد ألا إله إلا أنت، أستغفرك وأتوب إليك