08 مارس 2010

احذري .. السُفـُور يدمّر الدين ويسبب الهلاك

احذري
السُفُور يدمّر الدين ويسبب الهلاك


يابني يا حبيبي أنا خايف عليك
بطـّل السجاير دي
دي بتضرّك
يمكن انت دلوقتي مش شايف إنها غلط
بس أنا عارف إنها غلط
وبنصحك لأني بحبك وخايف عليك

ما ناس كتير بتدخن

ربنا يهديهم
أو يغورو في داهية كلهم
بس انت ابني حبيبي
انت تهمّني
ومش عاوزك تبقى مع الناس دي
مش عاوزك تضيع معاهم
صدقني أنا مش بضحك عليك
ولا يهمّني غير مصلحتك
عاوزك تثق فيّا وتسمع كلامي
وصدقني أنا مش بخدعك
...

 
يا أختي يا عزيزتي أنا خايف عليكي
بطـّلي تمشي من غير حجابك
ده بيضرّ دينك
يمكن انتي دلوقتي مش شايفة إن ده غلط
بس أنا عارف إنه غلط
وبنصحك لأني بعزّك وخايف عليكي

ما ناس كتير مش لابسة الحجاب

ربنا يهديهم
أو يغورو في داهية كلهم
بس انتي أختي اللي يهمني أمرها
ومش عاوزك تبقى مع الناس دي
مش عاوزك تضيعي معاهم
صدقيني أنا مش بضحك عليكي
ولا يهمني غير مصلحتك
عاوزك تثقي فيّا وتسمعي كلامي
وصدقيني أنا مش بخدعك

...


(دعوة إلى كل فتاة غير محجبة. ماذا تنتظرين لترتدي حجابك! هل لكِ عذر! هل عندكِ حُجّة قوية تحاجّين بها ربكِ يوم القيامة! ألا تعتقدين في فرضيّة الحجاب! أم تنتظرين معجزة لترتديه! هل تضمنين حدوث هذه المعجزة قبل أن يفاجئكِ الموت! حدوث معجزة أو الموت، أيهما أقرب؟! احرصي على أن ترتدي حجابك قبل الوقوف بين يدي الله للمحاسبة، وليكن شعارك  الحجاب قبل الحساب).


أحمد فايز



هناك تعليقان (2):

emad يقول...

كلام حلو وفكرة (نميسة) المقابلة ما بين ترك الحجاب وشرب السجاير
(بس على فكرة السفور هو كشف الوجه ... انت باين عليك متشدد يا وينر ولا ايه؟)
تسلم يا دكتور

WINNER يقول...



و لا و اني ماعرفش معنى (نميسة) بس شكراً يا دكتور عماد.

بالنسبة لمعنى السفور فالمعاجم كاتباه كشف الوجه، لكن في بعض المعاني السفور بيعني الكشف بشكل عام، و إظهار الرأس أو أجزاء منها.

السفور اللي أقصده هو الكشف الذي لا يؤيده نص. ماقصدش مجرد كشف الوجه فقط. أنا استريح للقول القائل بجواز كشف الوجه و الكفين، و سترهما مَنْقَبة و ليس بفرض.


سبحانك اللهم وبحمدك، أشهد ألا إله إلا أنت، أستغفرك وأتوب إليك