27 أبريل 2010

الصراع الأزلي

الصراع الأزلي



الصراع الأزلي بينه و بينها.

يفرض قوته، فتفرض قوتها.

يرفع صوته، فترفع صوتها.

يتشاجران لأتفه الأسباب، و يسعى كل منهما للظفر بانتصار ساحق على شريكه، و ينتشى المنتصر بنصره المزعوم.

كأنها حلبة مصارعة يسعى فيها كل منهما لإثبات أنه الأحق بالسُلطة و السيطرة.

نزال لفرض الكلمة و بسط النفوذ.


الدعاية الكاذبة المخادعة.

إذا وجدتَ رجلاً يبنى سداً ليوقف همجية النهر، احرق قشة في بيته، سينشغل بإطفاء النار عن بناء السد، و عندما يفرغ من إطفاء النار سيكون النهر قد أغرق كل شئ.

لقد أغرقونا بالفعل في مشاكل وهمية و ها هم يتفرجون علينا و يضحكون.

متى نشعر بسخونة الصفعة التي تلقيناها على (قفانا) !




أحــمـد فــايـز

هناك تعليقان (2):

فاروق بن النيل يقول...

Winner
أحمد فايز ... هذه أول مرة بمدونتك
الحقيقة لاأعرف ماذا تقصد دعنا نتحاور لأنى عرفت من مدونتك الأولى "صوت الناس" أنك مشغول بلقضية الفلسطينية فرحت وعندما دخلت على " Winner" لم أفهم ماذا تقصد بالصراح بين الرجل والمرأة
أرجو أن تزورنى بمدونتى وشكرا لك.farouksam.blogspot.com(عصفورالجنة)

WINNER يقول...



فاروق بن النيل.
شرفت المدونة.

صوت الناس لها طابع مختلف عن وينر.
صوت الناس بكتب فيها أخبار بأسلوبي الخاص و تعليقي عليها.

و طبعاً مهتم بالقضية الفلسطينية كأي عربي.

اقرا أكتر في وينر هتلاقي حاجات كتير واضحة. وينر طابعها العام أدبي، و طبعاً عارف إن الأدب غير صريح و مباشر زي الخبر.

اللي اقصده من الصراع بين الرجل و المرأة هو الخلافات على حاجات بسيطة اللي ممكن تسبب بعد كدة مشاكل كبيرة.

من أسباب وجود الخلافات دي يد خارجية بتأثر على الفكر و الشعور.
زي مثلاً موضات تجهيز البيوت و المظاهر المبالغ فيها، و زي حملات حقوق المرأة اللي عاوزة تخلي الرجل زي المرأة بالظبط مع إن ده ما ينفعش لأنهم بالفعل مختلفين.
كل ده بينتج عنه صراعات. الصراعات دي بتخلي الأسرة مشغولة، و المجتمع مشغول عن حاجات أهم.

لما تكون الأسر العربية مشغولة بنور هتعمل إيه مع مهند يبقى هننشغل عن قضية فلسطين و الجوع في بلادنا و الظلم.

لما تبقى مشاكلنا لون الستاير في الجهاز، و كل واحد مصمم على رأيه فيه، مع إنه حاجة غير مهمة بالمرة، يبقى إزاي عقلنا هيكون فاضي يفكر في التغييرات اللي بتمر بيها البلد و نشارك في الحياة بشكل أكبر.

المشاكل دي هي القشة اللي بتتحرق في بيوتنا و تشغلنا عن حاجات أهم و تغرقنا بعد كدة في مشاكل أكبر.

أرجو أكون وضحت أكتر.

و أرجو تكرار الزيارة.

و إن شاء الله أزور مدونتك.

شكراً.


سبحانك اللهم وبحمدك، أشهد ألا إله إلا أنت، أستغفرك وأتوب إليك