12 أغسطس 2010

2 رمضان - بروجرام صائم

بروجرام صائم



عن أبي هُريرة (رضي الله عنه) أنّ رَسُولُ الله (صلى الله عليه و سلم) قَال:

"إذا كَانَ أَوَّلُ ليلةٍ من شهر رَمضَانَ، صُفـّـدتِ الشياطينُ ومَردَةُ الجنِّ، وغُـلِّـقتْ أَبوابُ النيران فلم يُفتـَحْ منها بابٌ، وفـُـتـّحتْ أَبوابُ الجنـّةِ فلمْ يُغلـَـقْ منها بابٌ، ويُنادِي مُنادٍ يا بَاغِيَ الخيرِ أقبِلْ، ويا بَاغِيَ الشـّرِّ أقصِرْ. ولله عُتقاءٌ من النـّارِ وذلكَ كلَّ ليلة".
 
رواه الترمذي


. . . . .


برغم إن الفرصة جاية على طبق من دهب، موسم توزيع الحسنات والرحمات، إلا إن بعض الناس بترفض كل الخير ده. تعامُل الناس مع شهر رمضان له أشكال مختلفة؛ ناس بتستغل كل لحظة في الطاعة وجمع الحسنات، وناس بتضيع الفرصة دي في أشياء تافهة جداً. هنلاقي مثلاً بروجرام الصائم في شهر رمضان ممكن يكون على صورتين، والصورتين دول بنشوفهم.


الأول بيتبع البروجرام الآتي: سحور - ذكر وقرآن حتى طلوع الشمس - مذاكرة أو قرآن أو شغل - صلاة ضحى - صلاة الظهر في جماعة - مذاكرة أو قرآن أو شغل - صلاة العصر في جماعة - مذاكرة أو قرآن أو شغل - إفطار على تمر أو ماء - صلاة المغرب في جماعة - الإفطار - قرآن - صلاة العشاء - صلاة التراويح - مذاكرة أو قرآن - نوم - قيام ليل - سحور.

الصورة التانية، ودي للأسف موجودة بين ناس كتير: سحور - صلاة فجر - نوووووووووم - صلاة ظهر مع عصر - نووووم - فطاااااااااااااااار وتليفزيون - صلاة المغرب قبل العشاء علطول - صلاة العشاء - ممكن يصلي تراويح - تليفزيووووووووووووووووون أو سهرة على قهوة أو في خيمة رمضانية - سحور.

وما بين الصورتين دول فيه تعديلات كتير بتختلف من شخص لآخر. فيه ناس بتأدي أفضل من المثال الأول، وفيه ناس بتأدي أسوأ من المثال التاني.


في الأول وفي الآخر ده رمضانك ودي حياتك وانت اللي هتتحاسب لوحدك، اختار اللي يناسبك!


ليست هناك تعليقات:


سبحانك اللهم وبحمدك، أشهد ألا إله إلا أنت، أستغفرك وأتوب إليك