22 مايو 2011

حاجات جميلة

 (Bubbleeee - By: jjtran)




طفلان صغيران جميلان يمرّان على الدنيا كطيرين سابحين، بعيون لا ترى سوى الألوان الزاهية والأضواء الساطعة.

"شايف الحاجات الجميلة!".

كانا ينظران من نافذة الحافلة إلى اللافتات المضيئة على واجهات المحال التجارية!

...

"اسمك إيه؟".

"اسمي أحمد".

انا اسمي إبراهيم وبيدلعوني هيما".

انا اسمي عبد الوهاب وبيدلعوني إيهاب".

...

السعادة الحقيقية هي التي يشعر بها الأطفال خُضْر القلوب، يرون الأشياء الجميلة البسيطة جداً، ينبهرون بمصباح ملوَّن مضيئ، يركضون خلف فراشة جميلة، يستمتعون بتيار هواء بارد يمر عبر نافذة سيارة.




(ليتني أرى الدنيا بعينيّ طفل)




هناك 5 تعليقات:

Shrouk يقول...

متى تفقد هذه السعادة حقيقتها؟متى تنضج قلوبناالخضراءأو بالاحرى متي تفسد قلوبنا؟ ما الذي يتغير؟
و متى تحديدا نفقد هذه البراءة؟
هذه القدرة الرائعة علي الانبهار وايجاد المتعة والسعادة في اصغر الاشياء؟

WINNER يقول...



شروق:

أسئلة كتيرة. للأسف مش لاقي لها إجابة.

Shrouk يقول...

مكنش قصدي اتعبك بالبحث عن الاجابة ولا اضايقك لما متلاقيهاش ولا اني انثر بعض كآبتي علي صفحتك انا بس عجبني رصدك لقلوب الاطفال الخضراء و كلامك عن برائتهم وسعادتهم الحقيقية وده خلى الاسئلة دي تظهر علي السطح تاني فقلت احطها هنا يمكن انت او حد من زوارك يكون عنده اجابة واحدة علي الاقل تكون غير الاجابة اللي بتفرض نفسها علي دماغي وهي ان الدنيا لا تزيدنا الا اتساخا علي مدار الايام..بتمني الاقي حد يقوللي اننا ممكن نفضل ببرائتنا وقدرتنا علي السعادة...
ممم...طولت انا قوي وغلست كمان وقلبت الحاجات الحلوة دراما معلش دي ضريبة انك تكتب كلام يمس وتر جوانا ويخلينا نرغي في التعليقات
:)

WINNER يقول...



شروق:

الأسئلة دي لما بتظهر على السطح بغطّسها تاني. أسئلة صعبة.


" بتمني الاقي حد يقوللي اننا ممكن نفضل ببرائتنا وقدرتنا علي السعادة "

لا مش ممكن. للأسف.
بس مش لازم نبقى النقيض. بنكون نسخة أنضج.


" طولت انا قوي وغلست كمان وقلبت الحاجات الحلوة دراما معلش دي ضريبة انك تكتب كلام يمس وتر جوانا ويخلينا نرغي في التعليقات "

ده المكان المخصص للتعليق و الرغي و التطويل. المدونة فيها جزئين؛ جزء أنا بكتب فيه التدوينة، و جزء بيكتب فيها الزوار تعليقاتهم اللي ممكن تكون أهم من التدوينة نفسها. المدونة ساحة مشتركة بيني و بين كل شخص يحي يكتب تعليق.

شرفتينا بزيارتك و تعليقك. و قولي كل اللي نفسك فيه.
:)

صدفه يقول...

شروق .. winer
مع التحيه ..
عندما ينتهي الكلورفيل الخاص بنا داخليا ..
ونبدأ بتصنيع ثاني أوكسيد الكربون فقط ..
نبدأ بفقد الأكسجين الازم للسعاده..
هذا الكلورفيل يتلاشي ..
عندما نريد نحن فقط ..


سبحانك اللهم وبحمدك، أشهد ألا إله إلا أنت، أستغفرك وأتوب إليك